Эрүүл мэндийн аялал жуулчлалын хот
Кангнынг нь эрүүл мэндийн дэвшилтэт тогтолцоотой болно. Үүний шалтгаан нь хамгийн орчин үеийн тоног төхөөрөмж сүүлийн үеийн эмчилгээний арга барилыг нэвтрүүлсэн эелдэг найрсаг харилцаатай мэргэжлийн ур чадвартай эмнэлгийн ажилтнуудтай байдагт оршино гэж хэлж болох юм. Хамгийн сүүлийн үеийн эмнэлгийн тоног төхөөрөмж TrueBeam 2.5-аас эхлээд эмчилгээний тасаг бүрт байх нарийн мэргэжлийн CT буюу компьютер томографийн шинжилгээний тоног төхөөрөмжийн тусламжтай эмгэгийг эрт үед нь илрүүлэн оношилж, цаг алдалгүй эмчилгээ хийх боломжтой юм. Үүнээс гадна, эмчилгээ болон хяналтын явцад ч хамгийн сүүлийн үеийн тоног төхөөрөмжөөр хийгдэх илүү нарийн, мэргэжлийн эмнэлгийн үйлчилгээг авах бүрэн боломжтой юм.
Кангнынг нь хөгжингүй улсын дэвшилтэт эрүүл мэндийн тогтолцоотой(хамгийн сүүлийн үеийн тоног төхөөрөмж, өвчтний мэдээллийн онлайн систем) учир гадаадын эмч нарын сургалт дадлагажилт тогтмол хийгдэж байдаг. Үүний нэг жишээ нь Кангнынг Асан эмнэлэг нь 2011 оноос хойш Орос, Казахстан, Узбекстан зэрэг улсуудын эмнэлгийн ажилтнуудын сургалтын хөтөлбөрийг хэрэгжүүлж байна. Түүнчлэн, шүдний эмнэлэг нь Монгол, Вьетнамын шүдний чиглэлийн их сургуулийн эмнэлэгтэй харилцан гэрээ хэлэлцээр хийж хэд хэдэн удаа клиникийн буюу эмнэлзүйн дадлага сургалтыг зохион байгуулж эмчилгээ үйл ажиллагааны төвшингөө тасралтгүй дээшлүүлж байна.
Кангнынгд өвчин тус бүрийн онцлогт тохирсон мэргэшсэн эмнэлгүүд байдаг бөгөөд өвчнийг цогц байдлаар эмчилгээ хийх тогтолцоогоороо тэргүүлэх зэрэгт орж байна. Кангнынг Асан эмнэлэг нь хорт хавдрын эмгэг тус бүрийн эмчилгээний баг бүхий хорт хавдрын төвийг ажиллуулж, Кангнынг Дунгин эмнэлэг нь өрнө болоод дорны эмнэлгийн харилцан бие биенээ нөхөх шинжилгээний аргыг сонгон хэрэгжүүлж байна. Шүд, гэмтлийн мэс засал, гоо сайхны мэс заслын эмнэлгүүд бас эмгэг тус бүрийн онцлогт тохирсон өвөрмөц эмчилгээний орчныг бүрдүүлж тасаг тус бүрийн нарийн мэргэжлийн эмч, эмнэлгийн ажилтнуудын нягт уялдаа холбоотойгоор эмнэлгийн тусламж үйлчилгээ үзүүлэх тогтолцоог бий болгосоноор эмнэлгийн нэгдмэл эрүүл мэндийн аялал жуулчлал хийх боломжтой болсон байна .
Кангнынгд эрүүл мэндийн аялал жуулчлалаар ирсэн жуулчид нь огт хэсэж будилах шаардлагагүй байдаг. Энэ нь эмчээс эхлээд зөвлөгөө-оношлогоо-эмчилгээ хүртэлх бүхий л үйл ажиллагааг нэг мөсөн шийдэх нэг цэгийн үйлчилгээ нь гадаадынхнийг хүлээн авдаг эмнэлэгт байдагтай холбоотой юм. Нэг цэгийн үйлчилгээ нь 365 хоног, 24 цагаар үнэ төлбөргүй байдаг бөгөөд тусгай зориулалтын эмчилгээний өрөө, орчуулагч болон эмнэлгийн зохицуулагч байнга бэлэн байж мэргэжлийн төвлөрсөн эмчилгээ үйлчилгээг үзүүлж байна.
Кангнынгд эрүүл мэндийн үйлчилгээ сул бүс нутгийн ядуу дорой иргэдэд туслах эмнэлгийн мэргэжилтнүүдийн үнэ төлбөргүй тусламжын үйл ажиллагааг явуулж байна. Кангнынгийн тэргүүлэх зэргийн эмнэлгийн арга барилыг хайраар жигүүрлүүлэн олон улсад зарлан Солонгосын дүр төрхийг эргэн сануулахад тусалж байна. Эмнэлгийн үнэ төлбөргүй тусламжын үйл ажиллагааны хөтөлбөрт шалгарсан Казахстаны өвчтөнүүд дээд зэргийн чанартай шилдэг эмнэлгийн үйлчилгээ, эрүүл мэндийн ажилтнуудын эелдэг найрсаг харилцаа, Кангнынг хотын байгалийн үзэсгэлэнт орчныг үзэж шагширцгаасан. Ийнхүү Кангнынг нь эрүүл мэндийн тусламжийн хөтөлбөрөөр дамжуулан эмнэлгийн мэргэжилтнүүд болоод жуулчид сэтгэл хангалуун байдлыг мэдрэх эргэх тогтолцоог бий болгон ажиллаж байна.
Хэдийгээр тогтолцоо нь маш сайн байлаа ч гэсэн гадаадын иргэдэд эрүүл мэндийн аялал жуулчлал нь их бага хэмжээгээр тааламжгүй санагдаж болох юм. Гэвч Кангнынгийн эмнэлгийн зохицуулагч нь өөр байдаг. Олон орны хэлээр чөлөөтэй ярихаас гадна, улс орон, наснаас хамаарсан эмнэлэг, аялал жуулчлал, сонирхолыг хүртэл нарийн судалсан ганцаарчилсан үйлчилгээг үзүүлж байна. Үүнээс гадна Кангнынгд суурьшсан гадаадын хөтчүүд нь хэнээс ч илүү мэргэшсэн байх ба Солонгост орж ирсэн мөчөөс эхлээд буцах хүртэл нягт нямбай төлөвлөгөө зохиож өгдөг. Тиймээс гадаадын жуулчид нь харь нутагт таагүй байдлыг мэдрэхгүй сэтгэл хангалуун буцацгаадаг.
Кангнынг нь эрүүл мэндийн дэвшилтэт арга барилаас гадна асар том өвөрмөц давуу талтай. Энэ бол унаган төрхөөрөө байгаа байгалийн үзэсгэлэнт газар юм. Гадаадын жуулчидтай хийсэн ярилцлагад хэзээч орхигдож байгаагүй нэг зүйл бол байгалийн үзэсгэлэнт газрууд болно. Кангнынг нь гүн цэнхэр далай, өтгөн ойтой бөгөөд дөрвөн улирал нь илт ялгарах ба дөрвөн улиралд тэрхүү байгалийн өнгө байдал өөрчлөгдөх нь бас л үзэсгэлэнтэй болно. Үүнээс гадна, үзэсгэлэнт байгалийн хишгээр 2018 онд Пёнгчанг өвлийн Олимпийн наадам зохион байгуулагдах болсон нь эрүүл мэндийн аялал жуулчлал бус амралт гэж нэрлэхэд болохгүй гэх газаргүй билээ.
Үзэсгэлэнт байгалиас эхэлсэн эмчилгээ болон дадлага нь гарцаагүй Кангнынгийн эрүүл мэндийн аялал жуулчлалын хамгийн чухал сайн тал болно. 2015 онд Кангнынгд Хэбичэ(*хоргүйжүүлэх-хоослох-дүүргэх) сэдэвтэй эрүүл мэндийн аялал жуулчлалын үзэсгэлэн, Хятадын мэдээллийн агентлагууд болон аялал жуулчлалын агентлагуудыг урьсан эрүүл мэндийн FAM tour зохион байгуулсан удаатай. Энд Кангнынгийн өвөрмөц онцлог болох ардын уламжлалт эмчилгээ, нарсны үнэр, анхилуун үнэрт кофегоор Хэбичэ арьсны эмчилгээг хийлгэх боломжтой. Мөн эрдэнийн чулууг ашиглан хийх эрдэнийн чулууны өнгөт эмчилгээ юмуу уламжлалт хоол хүнс, цайны газар зэрэг Кангнынгийн соёлын уламжлалаар бие болоод сэтгэлийн алжаалаа тайлж болох юм.
Wellness бол сайн сайхан(Well-being) эрүүл мэнд(Fitness) гэсэн нийлмэл үг бөгөөд бие, сэтгэл, нийгмийн хувьд эрүүл мэнд байхын төлөө гэсэн утгатай юм. Кангнынгд газар зүйн онцлогынхоо давуу талыг ашигласан төрөл бүрийн аяллын болон амралт чөлөөт цагийн үйл ажиллагаатай танилцаж, эрүүл мэндийн аялал жуулчлалд хамрагдах боломжтой. Ялангуяа Кангнынг нь далайн аялал жуулчлалын хот тул далайн амралт чөлөөт цагийн спорт болон аялал жуулчлалын круиз хөлөг онгоц мэтийн далайн аялал жуулчлал сайн зохион байгуулдагдсан байдаг. Мөн байгальтай холбоотой соёл, түүхийн музей, Кангнынгийн кофены алдартай газруудыг үзэж, халуун рашаан, ууранд суух газар мэтийн эмчилгээний нөлөө бүхий газарт очиж зугаацаж болох юм.
Кангнынг Асан эмнэлэг нь Асан Нийгмийн халамжийн сангийн долоон эмнэлгийн нэг бөгөөд 32 эмнэл зүйн тасагтай том хэмжээний эмнэлэг юм. Асан эмнэлэг нь тухайн салбар тус бүрийн мэргэшсэн эмч болон тасаг тус бүрийн эмнэлгийн мэргэжилтнүүдийн хамтран ажиллах тогтолцоотой тул Пёнгчанг өвлийн Олимпийн хариуцагч эмнэлгээр сонгогдсон байна. Кангнынг Асан эмнэлэг нь дээд зэргийн бүтэц тогтолцоогоороо дэлхийн өнцөг булан бүрээс ирсэн тамирчдын аюулгүй байдлыг хангаж олимпын үйл ажиллагаандаа аюул осолгүй оролцоход анхаарлаа хандуулж байна.